Барилгын салбарын тэргүүн магнaт - 17 September 2012

Текст №1

Текст №2

Main » » Барилгын салбарын тэргүүн магнaт

3:29 AM Барилгын салбарын тэргүүн магнaт
Доналд Жон Трамп 1946 оны энэ өдөр мэндэлжээ. Багадаа багш нарын “эрлэг” нэртэй дүрсгүй жаал байсан бөгөөд энэ зангаасаа болж 13 насандаа Нью-Йорк хотын цэргийн академид суралцах болжээ. Бизнесийн ертөнцөд хөл тавихаасаа өмнө залуу Доналд эцгийнхээ үгийг дагаж коллежид суралцахаар болж 1964 онд Фордхамийн их сургуульд орж хоёр жилийн дараа Пенсилвань мужийн Санхүү худалдааны их сургуульд шилжин суралцжээ. Удалгүй тэрбээр Охай мужийн Цинцинати хотын дампуурсан компанийн 1200 айлын орон сууцны цогцолборыг худалдаж авчээ. Сонирхолтой нь Трампуудын авсан энэ цогцолборыг улсаас санхүүжүүлсэний эцэст тэд ганц зоос ч гарздалгүй сэргээн засварлах ажлаа хийж, зургаан саяыг 12 сая ам.доллар болгон эргүүлэн зарсан аж. Энэ амжилттай наймаа ирээдүйн барилгын магнатад тун их урам хайрлажээ. Тэрбээр 28 насандаа Манхэттен дүүргийн баруун хэсэгт дампуурсан төмөр замын хэсэгхэн газар дээр бизнес төв барьжээ. Мөн баячуудын гэгдэх “Commodore” зочид буудлыг засварлах тендерийг ч авчээ. Энэ бүхний дараа Доналд Трамп гэдэг нэрийг хүмүүс тогтоох болж тун удалгүй Нью-Йорк хотын барилгын салбарт энэ хүн тодорхой байр суурьтай болсон байна. Тэрбээр “Trump Tower” цогцолбор барьсан нь барилгын магнат болгосон төдийгүй Саудын Арабын хаан, кино од Софи Лорен зэрэг алдартнууд байр худалдаж авсан нь бүр ч сайхан сурталчилгаа болж, Д.Трампын барьсан байшинд амьдрах нь нэр төрийн баталгаа гэсэн ойлголтыг түгээжээ.
1 2 3 4 5 Views: 454 \| Added by: Cyberr \| Rating: 5.0/2